Renovim i shkollave të zgjedhura dhe aktivitete për efikasitet energjetik

Ne, në PEP, kuptojmë se shkollat janë diç më shumë se një koleksion i dhomave ku mbledhim rininë. Shkollat duhet të jenë kompleks i hapësirave mësimore që i stimulon të rinjët, nxit zbulime dhe siguron një ambient që është i sigurtë dhe konfor.

Duke punuar me bashkësitë, ku përfshihen edhe këshillat e shkollave, PEP do të bënë më shumë se renovim të thjeshtë, për të krijuar ambiente mësimore të qëndrueshme që e arsyetojnë çmimin dhe përdorin material ndërtimor modern që e kursen energjinë, për të ndihmuar komunat të ruajn resurset e pakta dhe të mbështetin shkollat cilësore. Përdorimi i shkollave “të gjelbërta” si laboratore “të gjalla” për mësim të shkencave natyrore dhe teknologjike, do të nxit nxënësit të marrin njohuri që mundësisht do t’i aplikojn në shtëpi.

Gjatë vazhdimit të projektit, do të përmirësojmë ambientin fizik mësimor në 100 shkolla dhe do të përdorim teknologji “të gjelbërta” për të demonstruar ndikimin që mundet ta ketë një plan i përgjithshëm i efikasitet energjetik mbi shpenzimet dhe rezultatet mësimore. Veçanërisht, projekti do të realizojë aktivitetet vijuese:

1) Të përpilojë hartë nacionale të mbështetur në bazën e të dhënave për nevojat e renovimit të shkollave
Do të punojmë me MASH në krijimin e bazës së të dhënave të përbashkët dhe përpilimin e hartës gjeografike të shkollave. Kjo bazë e të dhënave, do të ju ndihmon donatorëve, zyrtarëve nga ministria dhe komunat dhe të tjerëve që janë të involvuar në renovimin e shkollave, në sjelljen e vendimeve, azhurnimin e informatave, krahasimin e strategjive dhe demonstrimin e rezultateve.

2) Të krijojë ambiente mësimore stimuluese përmes reparimit të 100 shkollave prioritare; duke përfshirë përdorimin e teknologjive “të gjelbërta” themelore
Bashkësitë luajnë rol të rëndësishëm në mirëmbajtjen dhe sigurinë e shkollës. Në bashkëpunim me drejtorët dhe këshillat e shkollave do të mbajmë takime të hapura për fitim të përkrahjes dhe kyçje të bashkësive dhe bizneseve lokale.

3) Të udhëheq më së paku pesë pilot shkolla “të gjelbërta” për të demonstruar kursim në shpenzimet duke përdorur teknologji dhe materiale ndërtimore për kursim të energjisë
Për shkak të çmimit të lartë të lëndëve djegëse si dhe për shkak të arsyeve ekologjike, shkollat me kursim energjetik janë të rëndësishme për Maqedoninë. Me efikasitet energjetik më të lartë, paratë të cilat tani shpenzohen për ndriçim dhe nxemje do të munden të përdoren për materiale mësimore dhe trajnim të mësimdhënësve. Renovimet që mundësojnë mjedis jetësor të shëndosh mund të jenë komplekse (p.sh. zëvendësim i sistemit për nxemje të vjetëruar me të ri më efikas) apo të thjeshta (p.sh. instalim i izolimit përkatës dhe vendosje e dritareve me xhama të dyfisht për zvogëlim të shpenzimeve për nxemje). Këto pesë pilot shkolla, do të shërbejnë si model për komunat tjera që janë të interesuara për kursim të ngjashëm. PEP do të mbikëqyrë kursimet nga efikasiteti energjetik dhe do të punon me qeverisjen lokale dhe asociacionet e prindërve, që të tregojë se si investimet afatshkurtëra udhëheqin kah zvoglimi i shpenzimeve për afat më të gjatë.

Renovim faza tretë

 

Ballina | Për privatësinë | Kontakt | Webmaster

©2007 USAID Projekt për arsimin fillor

USAID • AED