Реновирање и подобрување на одредени основни училишта

Стратегијата на оваа компонента е не само да се поправат скршените прозорци и да се префарбаат ѕидовите во училниците, туку да се создаде средина што ќе стимулира учење.

Во соработката со граѓанските заедници, вклучително и здруженијата на родители и наставници, ПЕП нема да се задржи само на обично реновирање, туку ќе создаде економични и одржливи образовни средини што користат современи градежни материјали кои штедат енергија, за да им помогне на општините во сочувувањето на ограничените ресурси и одржувањето на квалитетни училишта. Користењето на еко училиштата како живи лаборатории за природно-научни и технолошки едукативни проекти ќе ги поттикнат младите стекнатото знаење веројатно да го применат и дома.

Во текот на проектот ќе го подобриме физичкото опкружување во 100 училишта и користењето на еко технологии, за да покажеме колкаво влијание може да има еден сеопфатен план за заштеда на енергија врз трошоците и едукативните резултати. Конкретните активности ќе вклучуваат:

1) База на податоци, изработка на мапа на училишта во државата на кои им се потребни поправки
Во координација со Министерството за образование и наука и со други развојни проекти, ПЕП ќе создаде заедничка база на податоци и географски приказ на состојбата на училиштата.Со оваа датабаза ке им помогнеме на донаторите, министерствата, општините и на други кои се вклучени во реновирањето на училиштата, во донесување на одлуки, обнова на информации, споредување на стратегии и демонстрирање на резултати.

2) Создавање на опкружување што го поттикнува учењето преку поправки на 100 приоритетни училишта; вклучување на користењето на основни еко технологии
Граѓанските заедници играат многу важна улога во одржувањето и безбедноста на училиштата. Во соработка со директорите на училиштата (и со заедниците на родителите и наставниците, онаму каде што истите постојат), ќе одржуваме состаноци во училиштата за да обезбедиме поддршка и вклученост на заедниците и локалните стопански субјекти.

3) Пилот проект во пет еко училишта, кој ќе демонстрира како се остварува заштеда со користење на најсовремени градежни материјали и технологии што заштедуваат енергија.
Со оглед на поскапувањето на енергетските ресурси, од клучно значење е да се зголеми бројот на училишта во кои ќе се штеди енергија. Општините треба парите што сега ги трошат за осветлување и греење, да ги трошат за учебници и обука на наставниот кадар. Еколошки здравите реновирања може да варираат од комплексни – замена на старите грејни системи со поефикасни – до поедноставни – вградување на соодветна изолација и повеќе панелно стакло заради намалување на потрошувачката за загревање. Петте пилот училишта ке служат како пример за другите општини заинтересирани во слични штедења. ПЕП исто така ке соработува со општините и здружениата на родителите за да им објасни како може кратко рочните инвестиции да имат резултат во долгорочно штедење.

Пакет за аплицирање за реновирање – фазa три

Сите електронски апликации испратете ги на следнава адреса: renovations@pep.org.mk

 

Почетна / Дискреција / Контакт / Веб дизајнер

©2007 УСАИД Проект за Основно Образование

УСАИД • АЕД