Проектот за основно образование (ПЕП) е петгодишна иницијатива наменета за сите државни основни училишта во Македонија. Овој проект има за цел да го подобри квалитетот на наставата и да ги унапреди вештините на младите за вработување.

Овој проект е продолжување на тековните проекти финансирани од УСАИД за зајакнување на образованието во Македонија и подршка на процесот на децентрализација, во периодот кога Македонија се стреми кон влез во Европската Унија.

Главни задачи на ПЕП се:

Подобрување на наставата и учењето со што учениците се здобиваат со вештини за критичко размислување;

Зголемување на пристапот и користењето на современите компјутерски и интернет технологии за да им се помогне на учениците да успеат на пазарот на трудот;

Давање подршка на училиштата за подобрување на работната средина преку реновирање на училишни згради со што се поттикнува учењето и креативноста;

Соработка со наставниците и Министерството за развивање на квалитетни дигитални наставни материјали потребни за активно учење засновано на прашања поставувани од учениците;

Унапредување на наставата по математика и природните науки преку подобрување на наставните програми и методи;

Подобрување на оценувањето на ниво на училиште за да се поттикне и подобри квалитетот на учењето;

Раководење со проектот

Академијата за развој на образованието (АЕД), е Американска непрофитна организација, која во име на УСАИД и во партнерство со Универзитетот на Индијана, Македонскиот центар за граѓанско образование (МЦГО) и други локални невладини организации и приватни фирми, ќе раководи со реализацијата на овој проект. Соработката и зајакнувањето на капацитетот на невладините организации во Македонија е основна цел на УСАИД. Освен тоа, АЕД има воспоставено партнерства со повеќе национални и мултинационални корпорации кои имаат напредни образовни програми, интерес за зголемување на ефикасно користење на информатичко-комуникациската технологија (ИКТ) во училиштата и желба да промовираат квалитет во образованието, економски раст и стабилност во овој динамичен регион. Преку овие партнерства, АЕД има за цел да обезбеди зголемен број на дополнтелни средства за проектот.

Компоненти на проектот

ПЕП ги вклучува следните пет компоненти:

Реновирање на одреден број на училишта и поефикасно користење на енергијата во училиштата.

Зголемување на пристапот и подобрување на примената на ИКТ.

Унапредување на предметите по математика и природните науки.

Унапредување на оценувањето на учениците.

Фокусот за зголемување на ефикасното користење на енергијата во училиштата од првата компонента на проектот ќе го подобри учењето и ќе им помогне на училиштата и општините полесно да ги раководат и одржуваат нивните училишта.
Компонентата за ИКТ има за цел да ја зголеми стапката на ученици со пристап до 30 ученици на еден компјутер, во однос на сегашната просечна стапка од 54 ученици на еден компјутер.
Компонентата за математика и природните науки се фокусира на подобрување на наставата со цел да се овозможи учење преку прашања поставувани од учениците со што тие стекнуваат вештини за критичко размислување и решавање проблеми, неопходни за унапредување на нивната подготвеност за вработување.
Компонентата за оценување има за цел да ги зајакне напорите на Македонија на патот кон Европската унија и да го подобри учењето на учениците.
Активностите за подготвителната година ќе се одвиваат во првите две години на проектот. Исто така, сите компоненти на проектот ќе развиваат содржини за дигитално учење кои учениците и наставниците ќе ги користат за унапредување на образованието.

За повеќе информации контактирајте:

info@pep.org.mk или

Проект за основно образование (ПЕП)
Букурешка 91
1000 Скопје, Македонија
Телефон: +389 (0)2 306 1620

Контакти во мисијата на УСАИД

Лела Јаковлевска
Електронска пошта: ljakovlevska@usaid.gov

Наташа Мурџева
Електронска пошта: nmurdzeva@usaid.gov

Почетна / Дискреција / Контакт / Веб дизајнер

©2007 УСАИД Проект за Основно Образование

УСАИД • АЕД